The true friendship

                               The true friendship                                   

                          Image by Sasin Tipchai from Pixabay                      

 
* تعد الصداقة الحقيقة كنزاً لا يفنى فالصداقة الحقيقية تعلو فوق ثمة مصالح ضيقة فى الحياة فالصداقة مشاعر متدفقة صادقة لا تتحول ولا تتبدل بمرور الأيام أو تضارب المصالح فالصديق الحقيقى هو السند والداعم والقلب الذى يحتوى الغضب و الحنق والعقل الذى يتفهم ويدرك و يعي و يقدر معنى الصداقة و مفهومها فكثيراً هم من حولنا فى الحياة وقليلا من يطلق عليهم لقب الصديق

 . الصداقة الحقيقية ..

مش لايك وكومنت على ستاتيوس مش كلمة حلوة بتجامل بيها للى قالهالك مش أنك تسئل على حد ما بيسئلش عنك ولا بيهتم بيك ولا أنت فى دماغه أصلا إلا عند المصلحة أو بالمصادفة الصداقة الحقيقية بذرة بنزرعها بنراعيها علشان ننميها وتكبر و تثمر فيه أصدقاء كتير زمان خلاص مابقالهمش وجود وفيه ناس جديدة بتدخل حياتك مجرد وقت فراغ الصداقة حب وأهتمام من غير سبب ومبرر إلا أنك صديق حقيقى بكل معنى الكلمة ودول نادر تلاقيهم إلا من رحم ربى فى زمن المصالح معظم الناس بتختفى وبتكون بس حوالين اللى عنده المصلحة وفيه ناس عندها قرون أستشعار بالمصلحة يعنى مجرد أنها  تستشعر بوجود مصلحة مستقبلية بتلزق لزقة غرا لحد ما المصلحة تخلص ودول كتير ما تعدش .

 تعد الصداقة الحقيقية كم من المشاعر الأنسانية اللى بتتوحد مع بعض عشان تكون سلوك عام ومشاعر واحدة بين الأصدقاء يعنى الأحترام والأخلاق والمودة والتألف يعنى الأحساس بالصديق وهمومه ومشاكله يعنى مساندته فى أحلامه و طموحاته عشان تتحقق يعنى مفيش حاجة أسمها طاقة سلبية وتصديرها بين الأصدقاء لأن أكيد فى الحياة كل واحد بيكون عنده مشاكله و همومه وطموحاته وأحلامه المجهضة واللى المفروض تتقابل من الأصدقاء بمشاعر تكاتفهم ومساندتهم أو على الأقل أحترامهم ليهم الصديق الحقيقى هو اللى يفهم و يتفهم هو اللى يسند و يدعم هو اللى كلمته بتكون شعاع من أمل ونور لطريق يهتدى بيه واللى بيحس بغيره حتى لو ما أتكلمش الصديق والصداقة دول معنى كبير قوى مش أى حد يتقال عليه صديق ولا أى حد يتقال عليه أنه قريب الصديق اللى يفهم ويقدر و يحترم هو ده الصديق واللى يدعم ويساند و يساهم فى تحقيق أحلام غيره هو ده الصديق الكلمة الطيبة صدقة والأحترام واجب و الأحترام سلوك والفكر الأيجابي طاقة نور وأمل لتغير وحل المشكلات لكن ترديد جملة "تصدير الطاقة السلبية " طول الوقت بتأكد أن اللى بيرددوها ما بيهموش غير نفسهم و بس ما يهمهومش غير حياتهم ورغباتهم و أحلامهم و طموحاتهم تتحقق وبس واللى زى دول وأكيد كتير ما ينفعش يتقال عنهم أصدقاء والصداقة ومشاعرها دى جملة ومعنى ومبنى كبير قوى فوق مستوى أدراكهم وعقلياتهم المحدودة بأفكار أنانيتهم .

*ما أجمل مشاعر الصداقة تلك التى تبنى على الحب والأحترام والأخلاق و الآيثار ما أجمل أن تمتد الآيدى لتساند وتدعم دون سؤال و لتؤكد بأن لا يزال هناك قلوباً قابعة بين الضلوع تنبض بالحب و تتوهج بالأحساس والمشاعر ما أجملنا حين نحب ونشعر بالآخرون دون مجاملة أو زيف أو خداع أو نفاق حين نرتد إلى جوهر أنسانيتنا فما أجمل أن يكون الأنسان.. أنسان.